كل مانويت ابعد و افارق عيونك
وافكر بطاري فراقك و غيبه
اقول ماتسوى حياتي بدونك
واحس ربي لك خلقني حبيبه
انا الحبيب اللي يحبك يصونك
وانا اللي لو تبغى وتطلب اجيبه
انا تركت اللي يبوني و يبونك
وماهي على مثلي ومثلك غريبه
انا فدا خوفك علي و جنونك
وقلبا روا قلبي بحنانه وطيبه
شفني سند ببقى يمينك وعونك
انا معك دايم وروحي قريبه
وعدت انا نفسي ماخيب ظنونك
يا الاقرب لقلبي واول نصيبه
وتدري ولا تسوا حياتي بدونك
وهذا انا ربي كتبني لك حبيبه